1. 變獸必D瘦站(姑改其名)的電話硬銷轉攻男士市場, 某日來電, 事後忽想若再來一次, 我會點點點答:
必D瘦男：先生你好, 我地係變獸必D瘦站, 而家推出男士全新優惠, 請問先生體重達到150磅或以上嗎?
想像中之我：夠呀, 你又知嘅？
必D瘦男：咁請問先生有冇接受任何減肥計劃改善身形呢？
想像中之我：唔, 冇喎。
必D瘦男：咁就啱嘞, 以前話人怕出名豬怕肥, 而家人唔怕出名但好怕肥, 本公司有各項優惠會送返俾先生你嘅, 只要先生JOIN我地嘅PLAN, 我地就會送多30個鐘免費療程俾先生你。
想像中之我：哦, 咁好...
必D瘦男：我地有一個月包你減20磅套餐、個半月包你減30吋套餐、或三個月包你跳甩肺套餐, 全部都由名師指導授課, 亦配備最先進嘅儀器做TREATMENT, 仲會承諾包唔反彈!
想像中之男：我諗, 都係唔好喇...
必D瘦男：先生, 或者你有咩考慮我地可以詳細傾下, 但呢個計劃好抵我自己都有JOIN, 好見效, 包你滿意....(下省N咁多個字)
想像中之我：唔係, 不過我有6呎5高, 而家瘦到皮包骨醫生話我再唔肥返D好快會死喎....你地有冇PLAN係一個月包減負30磅架？
（上述除第一句外均為設計對白）
2. 屯門中學大贈送, 萬元禮品搶新生。單單唸起這兩句倍感懷舊, 好像從前大百貨公司總會在喜慶節日度出兩句標語, 放在電視廣告裡硬銷特銷一樣。課本？送！午膳？送！交通津貼？送！輕便型手提電腦？送！.....當然, 配合香港商業社會的怪誕現況, 這種行銷很快就會加插：美女教師？送！o靚模校花？送！肥仔慢慢變瘦計劃？送！肥妹立即變瘦計劃？送！總之送得就送, 包冇死！.....幸好家長也不弱, 可能受近日新聞嚴重影響心智發展, 認為選學校也要看「風水」....「風水」？校風與學術水平是也！
如果說中學面對現實環境不得不使出如此難堪的手法，其實這已經很好了。像某些本人不再願意承認為自己母校的大學，竟然出動學弟學妹主動打電話聯絡校友（另類cold call），大談風月然後乘機提出捐助母校計劃，講心不如講金，這件事由退而不校長策動，又絕又狠，很看得起自己的校友，認定都是有錢人，這樣的人才協助統治香港，一個地方的尊嚴和集體成長的故事都能商品化，這不是經濟學奇才的設想，誰孰？
